| Share page | Visit Us On FB |
|
104 THOMAS OP EKSSELDOUNE. |
||
|
" Thomas, sothely, I the hyghte, Come lygge thyn hede down on my knee, i*> And ' thou' sail se the fayreste syghte, That euer sawe man of thi contree."
He did in hye als scho hym badde; Appone hir knee his hede he layde, Ffor hir to paye he was full glade, i«
And than that lady to him sayde—
" Seese thu nowe yone faire waye, That lyggis ouer yone heghe montayne ?— Yone es the waye to heuen for aye, When synfull sawles are passed ther payne. ia>
" Seese thu nowe yone other waye, That lygges lawe by nethe yone rysse ? Yone es the waye, the sothe to saye, Vnto the joye of paradyse.
" Seese thu yitt yone third waye, us
That ligges vnder yone grene playne ? Yone es the waye, with tene and traye, Whare synfull saulis suffiris thare payne.
" Bot seese thu nowe yone forthe waye, That lygges ouer yone depe delle ? ieo
Yone es the way, so waylawaye, Vnto the byrnande fyre of hell. |
||